វិហារនៅអ៊ីតាលី សាងសង់នៅចំហៀងភ្នំកម្ពស់ជាង៧០០ម៉ែត្

វិហារនៅអ៊ីតាលី សាងសង់នៅចំហៀងភ្នំកម្ពស់ជាង៧០០ម៉ែត្

អ៊ីតាលី៖ ព្រះវិហារមួយកន្លែងឈ្មោះថា The Santuario Madonna della Corona នៅប្រទេសអ៊ីតាលី មានកម្ពស់ប្រមាណ៧៧៤ម៉ែត្រ ត្រូវបានសាងសង់ឡើងនៅចំហៀងច្រាំងថ្មភ្នំ Baldo នៃជ្រលងទន្លេ Adige ជិតបឹង Lake Garda ដែលមើលទៅដូចជាវាត្រូវបានគេព្យួរនៅពាក់កណ្ដាលអាកាសអីចឹង។

ព្រះវិហារនេះ ជាកន្លែងដ៏ពេញនិយមមួយសម្រាប់អ្នកធ្វើធម្មយាត្រា ដែលត្រូវបានទាក់ទាញដោយទេសភាព បូករួមទាំងរូបចម្លាក់ប្លែកភ្នែក ហើយវាមានរឿងស្មុគស្មាញជាច្រើនបានកើតឡើងកាលយូរឆ្នាំណាស់មកហើយ តែអាចទ្រទ្រង់និងមានសភាពប្រក្រតីល្មម រហូតដល់មកដល់ឆ្នាំ១៩៧០ វាក៏ត្រូវបាគេជួសជុលឡើងវិញទាំងស្រុងផងដែរ។

យ៉ាងណាមិញ នៅឆ្នាំ១៩៨២ វាត្រូវបានគេប្រកាសថាជាវិហារតូចមួយ របស់ប្រទេសអ៊ីតាលី ហើយអតីតប្រធានសាសនាចក្រកាតូលិក Pope John Paul II បានធ្វើទស្សនកិច្ចនៅទីនោះក្នុងឆ្នាំ១៩៨៨។ សព្វថ្ងៃនេះអ្នកធ្វើធម្មយាត្រា អាចទៅដល់ដោយដើរតាមផ្លូវឡើងភ្នំចំនួនពីរម៉ោងពីតំបន់ Brentino ឬអាចបើកឡានទៅកាន់ទីប្រជុំជន Spiazzi និងដើរឡើងទៅកាន់ព្រះវិហារចំនួន១គីឡូម៉ែត្រក៏បាន៕

សូមទស្សនារូបភាពខាងក្រោម៖